"Таза Қазақстан" акциясы аясында Қарахан баба, Айша бибі кесенелері аумағында тазалық жұмыстары жүргізіліп, ағаш көшеттері отырғызылды.

     Бұл бастама — тарихи ескерткіштерімізді көздің қарашығындай сақтау жолындағы маңызды қадам. «Таза Қазақстан» экологиялық акциясы — еліміздің табиғи және тарихи мұраларын сақтау жолындағы маңызды бастама. Айша бибі кесенесі — тек біздің өңірдің ғана емес, бүкіл Қазақстанның тарихи бренді.

     Экологиялық науқан аясында «Ежелгі Тараз ескерткіштері» мемлекеттік тарихи-мәдени музей-қорығының» бастамасымен Айша бибі кенесінде ағаштар отырғызылады. Мұндағы мақсат – келген турист, қонақтарға уақыттарын жайлы өткізуге жағдай жасау болып табылады. Яғни ауыл тұрғындары елдімекен аумағында орналасқан Айша бибі, Бабаджа хатун кесенелерін абаттандырып, тал егіп, ескірген жерлерді әктеп-сырлап тазалық жұмыстарын жүргізді. Осылайша, Жамбыл облыстық «Жастар ресурстық орталғы», Тараз жастар орталығы, Тараз қаласы әкімдігінің ішкі саясат бөлімі, ауыл тұрғындары «ТАЗА ҚАЗАЗСТАН» ЭКОЛОГИЯЛЫҚ акцияға үлес қосты.

 

    «Ежелгі Тараз ескерткіштері» мемлекеттік тарихи-мәдени музей-қорығы» мекемесіне қарасты Қарахан баба кесенесі туристер жиі аялдайтын орын екені белгілі. Мұнда өз еліміздің әр өңірінен келген тұрғындардан бөлек, алыс-жақын шетелдіктер де жиі соғады.

    Жалпы қай кесене басына (Қарахан, Айша бибі, Тектұрмас, т.б) келушілерге біздің мекеме экскурсоводтары көне шаһар Тараз бен ондағы барлық тарихи сәулетті ескерткіштер туралы мол мәлімет беріп келеді. Яғни көне қаланың бұрынғысы мен бүгінгісін айтып, сондай-ақ қазба кезінде табылған көптеген бұйымдар тарихы жайлы да сөз қозғайды.

    Айта кетейік, келушілерді көбіне-көп кесене мен ескерткіштердің тарихынан бөлек, олардың күтіп-ұсталуы және аумағының тазалығы, көркейту жұмыстары қуантып тұр.