Новости
⠀Ежелгі Тараз ескерткіштері мемлекеттік тарихи-мәдени музей-қорығына қарасты Ақыртас археологиялық сәулет кешені жайлы арнайы сюжет 77 телеарнаның “ABROI” бағдарламасында көрсетілді.
⠀ Бағдарлама барысында кешен жайлы сан түрлі аңыз-әңгімелер, тарихи деректер, және зерттеулер айтылды.
Сұқбатты музей-қорықтың білікті тарихшысы Ақдидар Кәрібекова беріп, Ақыртастың ашылмаған сырлары мен аңыздар әлеміне шолу жасады.
⠀ Бағдарламаның толық нұсқасын келесі сілтеме арқылы көре аласыз: https://www.youtube.com/watch?v=_G-ahzrYTnM
20 Май 2025
633
18 мамыр – Халықаралық музей күні!
Осыған орай Ежелгі Тараз ескерткіштері музей-қорығының “Ғылыми қызмет және ескерткіштерді қорғау” бөлімінің қызметкерлері Жамбыл телеарнасының “Таңғы Рауан” бағдарламасына қатысты.
Бағдарламада:
Музей-қорықтың құрылу тарихы
Қызмет ететін бөлімдер
Қазіргі ғылыми-зерттеу жұмыстары
Ескерткіштерді қорғау міндеттері
Аңыз-әңгімелер
Қазба жұмыстары мен жәдігерлер
Қалпына келтіру және сақтау процесі туралы кеңінен айтылды.
Бұл сұхбат музей-қорықтың бай мұрасын танып-білуге үлкен мүмкіндік болды!
Мәдени мұраға бірге қамқор болайық!
19 Май 2025
593
Бүгін — тарих пен мәдениеттің алтын қазынасын сақтап, болашақ ұрпаққа жеткізетін маңызды күн. Әрбір музей — халқымыздың бай мұрасын көздің қарашығындай сақтап тұрған рухани орда.
Музей қорықтың ерекшелігі, тарихи-мәдени мұраны сақтап, насихаттап, келер ұрпаққа жеткізіп, өткен мен бүгінді жалғайтын алтын көпір. Мұнда әр зат, әр экспонат – тұтас бір тарих, тағылымды шежіре.
Осы орайда, «Ежелгі Тараз ескерткіштері» мемлекеттік тарихи-мәдени музей-қорығының атқарып келе жатқан еңбегі ерекше атап өтуге тұрарлық. 1998 жылы құрылған бұл қорық-музей Тараз қаласының 2000 жылдан астам тарихын зерттеп, сақтап, насихаттап келеді.
Музей-қорық құрамында республикалық маңызы бар 30-дан астам тарихи-мәдени ескерткіш бар, олардың ішінде Ақыртас, Құлан, Баласағұн, Өрнек және Қостөбе қалашықтары ЮНЕСКО-ның Бүкіләлемдік мұралар тізіміне енген.
2011 жылдан бастап Тараз қалашығының аумағында археологиялық және ғылыми-зерттеу жұмыстары жүргізіліп, нәтижесінде ашық аспан астындағы музей – «Ежелгі Тараз қалашығының» археологиялық паркі құрылды.
Осы ерекше күні барша музей қызметкерлерін, тарих пен мәдениет жанашырларын шын жүректен құттықтаймыз! Еңбектеріңіз жемісті, шабыттарыңыз шексіз болсын!
Тарих пен мәдениеттің алтын көпірі болған «Ежелгі Тараз ескерткіштері» музей-қорығының ұжымына алғысымыз шексіз. Еңбектеріңіз жемісті, шабыттарыңыз шексіз болсын!
18 Май 2025
633
Құрметті Тараз қаласының тұрғындары мен қадірлі қонақтары! Сіздерді 18 мамыр – Халықаралық музей күніне орай, “Ежелгі Тараз ескерткіштері” мемлекеттік тарихи-мәдени музей-қорығына қарасты нысандарда ұйымдастырылатын Ашық есік күніне шақырамыз! 17 мамыр күні келесі тарихи орындар келушілерге есігін айқара ашады: • Айша бибі кесенесі • Бабаджа хатун кесенесі • Қарахан баба кесенесі • Дәуітпек кесенесі • Қали Жүніс тарихи моншасы • Көне Тараз археологиялық саябағы Тарихпен сырласқыңыз келсе — бұл мүмкіндікті жіберіп алмаңыз! Тарихқа саяхат жасау – бүгіннен басталады!
15 Май 2025
675
Өскелең ұрпақтың тарихи санасы мен патриоттық рухын қалыптастыру – бүгінгі күннің басты міндеттерінің бірі. Осы мақсатта “Ежелгі Тараз ескерткіштері” тарихи-мәдени музей-қорығының ұйымдастыруымен Шерхан Мұраза атындағы Тараз университетінің бірінші курс “Тарих” мамандығының студенттеріне археология үйірмесі өтті. Еліміздің терең тарихымен, бай мәдени мұрасымен таныстырып, олардың танымдық қабілеттерін дамытты.
Археология – бұл ежелгі өркениеттермен ерекше байланыс. Қазба жұмыстарына қатысқан студенттер, артефактілерді өз көзімен көріп, кітаптан оқығаннан гөрі әлдеқайда әсерлі тәжірибе ұштастырып, тарихқа деген қызығушылықтарын арттырды.
Үйірме аясында:
– дәрістік сабақтар өтті
– археологиялық қазба жұмыстарына қатысты
– Көне Тараз археологиялық кешеннен табылған экспонаттармен танысты.
Болашақ археологтар мен тарихшылар осында қалыптасады!
Ұлттық тарихты бірге зерттейік!
14 Май 2025
655