Новости
Абай атындағы Жамбыл гуманитарлық жоғары колледжінің бірінші курс студенттеріне Ежелгі Тараз
ескерткіштері тарихи-мәдени музей-қорығының “Ғылыми қызмет және ескерткіштерді қорғау” бөлімінің
ғылыми қызметкері Мадина Мананбайқызы “Ақыртас сарай кешені: археологиялық зерттеулер мен
тұжырымдар” тақырыбында мазмұнды дәріс оқыды.
Дәріс барысында студенттер көне Ақыртас кешенінің құрылыс ерекшеліктері, археологиялық зерттеу
нәтижелері мен тарихи мәні туралы тың мәліметтер алды. Мұндай танымдық кездесулер жас ұрпақтың
отансүйгіштік сезімін арттырып, туған өлке тарихына қызығушылығын оятады.
09 Окт 2025
285
Ежелгі Тараз ескерткіштері тарихи-мәдени музей-қорығының ұйымдастыруымен “Шекарасыз мәдениет” республикалық
акциясы аясында ерекше жандарға арналған танымдық экскурсия өтті.
Бұл іс-шараға “Өркен” арнайы мектеп-интернатының оқушылары мен реабилитация орталығынан келген қонақтар қатысып,
көне Тараздың тарихы мен мәдениеті жайлы тың деректермен танысты. Киелі мекеннің ғасырлар қойнауынан сыр шерткен
жәдігерлерімен танысқан балалар мен қонақтар ерекше әсерге бөленіп, рухани шабыт алды. Іс-шараның мақсаты — мүмкіндігі
шектеулі жандардың мәдениет пен өнерге тең қолжетімділігін арттыру, тарихи мұраға деген сүйіспеншілікті қалыптастыру.
09 Окт 2025
257
2025 жылы Қазақстан Республикасының Қарулы Күштерінің ұйымдастыруымен елімізге 24 елден келген
аккредиттелген әскери-дипломатиялық корпус өкілдері Тараз қаласына арнайы іс-сапармен келді.
Сапар барысында мәртебелі қонақтар ежелгі Тараздың тарихи-мәдени ескерткіштерімен танысып, ұлы
дала мұрасына, қазақ халқының бай тарихы мен мәдени құндылықтарына зор қызығушылық танытты.
Шетелдік делегация мүшелері Тараздың киелі орындарынан алған ерекше әсерлерін атап өтіп, жергілікті
халықтың қонақжайлылығы мен мәдениетке деген құрметіне шынайы ризашылықтарын білдірді.
09 Окт 2025
228
Бүгін «Ежелгі Тараз ескерткіштері» мемлекеттік тарихи-мәдени музей-қорығының “Ғылыми қызмет және
ескерткіштерді қорғау” бөлімінің кіші ғылыми қызметкері Гүлмарал Қамбар «Жамбыл радиосының»
«Асыл қазына» хабарына арнайы қонақ болып қатысты.
Эфир барысында ол өңір тарихындағы ерекше мәдени мұралардың бірі — Қарақожа мешіті жайлы тың
деректермен, тарихи маңызы мен зерттеу нәтижелері туралы мазмұнды ақпараттармен бөлісті.
Ұлт тарихын ұлықтау мен киелі мұраларды насихаттау жолындағы еңбегіңіз жемісті болсын, Гүлмарал!
07 Окт 2025
242
“Ежелгі Тараз ескерткіштері” мемлекеттік тарихи-мәдени музей-қорығының ұйымдастыруымен Абай
атындағы Жамбыл гуманитарлық жоғары колледжінің студенттері арасында өткен бұл байқау шығармашылық
пен табиғат сұлулығын тоғыстырған ерекше шара болды.
Байқау қорытындысы бойынша:
І орын — Қалмахан Арайлым
ІІ орын — Әшімхан Әмина
ІІІ орын — Байзакова Камилла
Жеңімпаздарды және барлық қатысушыларды шын жүректен құттықтаймыз! Байқауға белсене
атсалысқан жетекшілерге алғыс хаттар, ал қатысушыларға сертификаттар табысталды.
Шабыт пен ізденіс жолындағы қадамдарыңыз сәтті болсын!
07 Окт 2025
283